អ្នកគ្រប់គ្រងសេវេនអ៊ីឡេវេនកម្ពុជាបានចូលជួបសម្ដែងការគួរសមរដ្ឋមន្ត្រីក្រសួងឧស្សាហកម្មវិទ្យាសាស្ត្របច្ចេកវិទ្យានិងនវានុវត្តន៍

កាលពីថ្ងៃទី៨ ខែមេសា ឆ្នាំ២០២៥ បុគ្គលិកក្រុមហ៊ុន ស៊ីភី អល​ (ខេមបូឌា) ឯ.ក បានរួមគ្នាធ្វើបុណ្យប្រគេនសង្ឃទាន ដល់ព្រះសង្ឃនៅវត្តពោធិព្រឹក្ស ក្នុងរាជធានីភ្នំពេញ ក្នុងឱកាសពិធីបុណ្យចូលឆ្នាំថ្មី 2025។ ទន្ទឹមនឹងនោះ មានកម្មវិធី លេងល្បែងប្រជាប្រិយដើម្បីរក្សានូវប្រពៃណីដ៏ល្អប្រពៃរបស់កម្ពុជាផងដែរ។ បន្ទាប់ពីនោះ នាពេលរសៀលនាថ្ងៃដដែលនៅការិយាល័យធំរបស់ក្រុមហ៊ុន ស៊ីភី អល​ (ខេមបូឌា) លោក សុនថះយ៉ា រ៉ាង់ស៊ីរីវ៉េត អភិបាលក្រុមហ៊ុន CP ALL (Cambodia) Co.,Ltd. បានដឹកនាំបុគ្គលិកស្រង់ព្រះ និង ​រៀបចំ​ពិធី​ស្រង់ទឹក ជូនចាស់ទុំ និង​ពិធី​ចង​អំបោះដៃ ជូនពរដើម្បីមានសិរីសួស្ដី ផ្ដល់កម្លាំងចិត្តឲ្យដល់បុគ្គលិកដើម្បីត្រៀមព្រមក្នុងការផ្ដល់ សេវាកម្មជូនអតិថិជននាពេលសម្រាកចូលឆ្នាំថ្មីខ្មែរដែលនឹងឈានចូលមកដល់នេះផង។

ក្រុមហ៊ុន ស៊ីភី អល (ខេមបូឌា) បានរៀបចំកម្មវិធីផ្លាស់ប្ដូរ ចំណេះដឹងអំពីប្រព័ន្ធផលិតកម្មអាហារដែលមានគុណភាពល្អ GMP/GHP ឲ្យដល់ដៃគូធុរកិច្ចកម្ពុជាដែលជា អ្នកផលិត ផលិតផលប្រភេទអាហារ នៅបន្ទប់សិក្ខាសាលាអាគារ ទីស្នាក់ការកណ្ដាល ក្នុងរាជធានីភ្នំពេញ ដោយក្នុងនោះមានការចូលរួមពីដៃគូធុរកិច្ចជាង ២០នាក់ ហើយការចូលរួមកម្មវិធីនេះ គឺពុំមានចំណាយ ថវិការទេ។  លោក សុនថះយ៉ា រ៉ាង់ស៊ីរីវ៉េត Managing Director នៃក្រុមហ៊ុន ស៊ីភី អល (ខេមបូឌា) មានប្រសាសន៍ថា សកម្មភាពនេះមានគោលបំណងបង្កើនសក្តានុពលដៃគូពាណិជ្ជកម្មឱ្យមានចំណេះដឹង និងការយល់ដឹងអំពីស្តង់ដារផលិតផលិតផលល្អ រួមទាំងច្បាប់ចំណីអាហារដែលពាក់ព័ន្ធ ដើម្បីឲ្យមានការ យល់ដឹងច្បាស់ និងអាចគ្រប់គ្រងផលិតផលបានពេញមួយដំណើរការ ដើម្បីឲ្យត្រឹមត្រូវទៅតាមច្បាប់របស់ ប្រទេសកម្ពុជា។ ដោយយោងតាម​គោលការណ៍​ចែករំលែក​ចំណេះដឹង គាំទ្រសហគ្រិនក្នុងស្រុក ស្របតាម គុណតម្លៃ ៣ អត្ថប្រយោជន៍របស់ CP Group ដែល ក្រុមហ៊ុន ស៊ីភី​ អល តែងតែប្រកាន់ខ្ជាប់ក្នុងការគ្រប់គ្រង 7-Eleven ក្នុងព្រះរាជាណាចក្រកម្ពុជា ដោយមានការតាំងចិត្តយ៉ាងមុតមាំថានឹងរៀបចំកម្មវិធីចែករំលែក ចំណេះដឹងបែបនេះឲ្យបានទៀងតាត់ ដើម្បីលើកកំពស់សក្តានុពលផលិតករ និងគុណភាពផលិតផលក្នុងស្រុក។ 

7-Eleven មាននយោបាយមុតមាំក្នុងការគាំទ្រផលិតផលខ្មែរ ដោយមានការរៀបចំធ្នើពិសេសសម្រាប់ផលិតផល ក្នុងស្រុកនៅគ្រប់សាខា ព្រមទាំងធ្វើការយ៉ាងជិតស្និតជាមួយសហគ្រិន ព្រោះមើលឃើញពីសក្ដានុពលរបស់ ផលិតករក្នុងស្រុក ហើយជឿជាក់ថានឹងអាចបង្កើតទំនុកចិត្តឲ្យដល់អតិថិជនគ្រប់ៗគ្នា។  លោក ឆៃរោចន៍ ធីវ៉ាត់ម៉ាន់ចៈរើន Managing Director International Business នៃក្រុមហ៊ុន CP ALL PUBLIC COMPANY LIMITED បានពិភាក្សាអំពីគោលនយោបាយបង្កើតអាជីពតាមរយៈ ការជួយជ្រុមជ្រែងដល់សហគ្រិនកម្ពុជា។ ជាពិសេសគឺ ក្រុមហ៊ុនផលិត ផលិតផលក្នុងស្រុកជាគោលការណ៍សំខាន់ ដែល 7-Eleven យកចិត្តទុកដាក់បំផុតតាំងពីចាប់ផ្ដើមអាជីវកម្មមក។ ដោយសារតែផលិតផលក្នុងស្រុក គឺជា ផលិតផលដ៏សំខាន់មួយដែលនឹងធ្វើឱ្យ 7-Eleven មានភាពខុសប្លែក និងលេចធ្លោជាងហាងដទៃ។ ដូច្នេះយើង បានរៀបចំឲ្យមាននូវធ្នើពិសេសសម្រាប់ផលិតផលក្នុងស្រុក ដែលមានតាំងពីពេលបើកសាខាដំបូងមកម៉្លេះ។ ហើយមកទល់ពេលនេះធ្នើបែបនេះមាននៅគ្រប់សាខារបស់ 7-Eleven កម្ពុជា។ មិនត្រឹមតែប៉ុណ្ណោះទេ ក្រោយពីចាប់ដៃគ្នាយ៉ាងជិតស្និតជាមួយសហគ្រិនក្នុងស្រុក។ បច្ចុប្បន្ននេះ យើងមានផលិតផលជាច្រើនមុខដាក់លក់ បន្ថែមទៀតផងដែរ។  “ផលិតផលកម្ពុជាជាច្រើន សឹងតែជាផលិតផលដែលមានគុណភាព ទោះបីជាហាង 7-Eleven មិនធំក៏ដោយ ប៉ុន្តែយើងបែងចែកកន្លែងពិសេស ដោយបច្ចុប្បន្ននេះវាមិនត្រឹមតែមាននៅលើធ្នើលក់ផលិតផលពេញនិយម របស់កម្ពុជាប៉ុណ្ណោះទេ តែផលិតផលទាំងនោះក៏ត្រូវបានដាក់លក់តាមធ្នើផ្សេងៗពាសពេញហាងតាមប្រភេទផងដែរ […]